უფასო სკრინინგის პროგრამის ფარგლებში, ნაბაკევის თემში, ადგილობრივი მოსახლეობისთვის ონკო-გამოკვლევები ჩატარდა. ნაბაკევის თემს დღეს სამტრედიის მუნიციპალიტეტის გამგებელი ვალერი ფოცხვერია სტუმრობდა. ის ადგილზე გაეცნო პროგრამის მიმდინარეობის პროცესს და ადგილობრივებსაც გაესაუბრა. პროგრამაში აქტიურად ჩაერთო სოფლის მოსახლეობა. მათ მთელი დღის განმავლობაში ნაბაკევის თემის ამბულატორიაში უფასო გამოკვლევებთან ერთად გამოცდილი და პროფესიონალი ექიმების რჩევების მიღებაც შეეძლოთ. სმტრედიის მუნიციპალიტეტის გამგებლის ვალერი ფოცხვერიას თქმით, მსგავსი უფასო გამოკვლევები სამტრედიის მასშტაბით აქტიურად ხორციელდება.