სამტრედიის მუნიციპალიტეტის 2023-2026 წლის საშუალოვადიანი განვითარების გეგმა
HOT LINE / ცხელი ხაზი
22-18-72
ქალაქ სამტრედიაში, ე.წ. "ხ.დ.კ."-ის დასახლებაში ვალიკო კოპალეიშვილის სახელის უკვდავსაყოფად მისივე ბიუსტი დაიდგა. იდეის ავტორი თამაზ მურღულაიაა, ხოლო ორგანიზატორები ვალიკო კოპალეიშვილის შვილიშვილები გიორგი და სოფიკო შუბლაძეები. იდეის განხორციელებაში მთავარი წვლილი შეიტანა სამტრედიის მუნიციპალიტეტის გამგეობამ.
ძეგლი საზეიმო ვითარებაში გახსნეს იმერეთის გუბერნატორმა გივი ჭიჭინაძემ, სამტრედიის მაჟორიტარმა დეპუტატმა გრიგოლ მიქელაძემ და სამტრედიის გამგებლის მოვალეობის შემსრულებელმა დავით ბახტაძემ ქალაქის ხელისუფლების სხვა წარმომადგენლებთან ერთად.
გახსნის ცერემონიაზე სამტრედიის საკრებულოს მიერ შემუშავებული დადგენილება გადაეცა ვალიკო კოპალეიშვილის შვილს. დადგენილება ითვალისწინებს "ხ.დ.კ"ის დასახლების ტერიტორიაზე არსებული სკვერისათვის ვალიკო კოპალეიშვილის სახელის მინიჭებასა და ამავე ტერიტორიაზე მისი ბიუსტის არსებობას.
ვალიკო კოპალეიშვილს მოიხსენიებენ, როგორც, მეცენატსა და ქველმოქმედს. ის იყო ქალაქის საბჭოს აღმასკომის თავმჯდომარე, შემდეგში ხის დამამუშავებელი კომბინატის დირექტორი, მის სახელს უკავშირდება რვა ხუთსართულიანი და ერთი ცხრასართულიანი კორპუსის მშენებლობა, საბავშვო ბაღის, კულტურის ცენტრის დაარსება და პირველი ტროლეიბუსის შემოყვანა სამტრედიაში. შთამომავლები და თანამშრომლები ვალიკო კოპალეიშვილს იხსენებენ, როგორც, საქვეყნოდ ცნობილ, სამართლიანსა და შრომისმოყვარე პიროვნებას.