დღეს სამტრედიის მუნიციპალიტეტის საკრებულოს სხდომა გაიმართა.

   სხდომას ტრადიციულად საკრებულოს თავმჯდომარე ნუგზარ ჯამბურია უძღვებოდა.     

   საკრებულოს წევრებმა მხარი დაუჭირეს დღის წესრიგით გათვალისწინებულ ათ საკითხს.

   ცვლილებები შევიდა სპორტ კომმპლექსის, საცხენოსნო კლუბისა და საფრენბურთო კლუბი ,,ჯიკოს“ ბიუჯეტში.

   მოგახსენებთ, რომ მთავრობის N 685 განკარგულების საფუძველზე სტიქიით დაზარალებული მოქალაქეების დახმარების თანხა 170.0 ათ. ლარით გაიზარდა და სულ განისაზღვრა 1 570.0 ლარით.

   სამი თვის შემოსავლების ანალიზიდან გამომდინარე ადგილობრივი შემოსავლების გეგმა გაიზარდა 701.7 ათასი ლარით.

   საკრებულოს სხდომას ესწრებოდნენ სამტრედიის მოსწავლე ახალგაზრდობის სახლთან არსებული მოსწავლეთა პარლამენტის წევრები და მოსწავლე ახალგაზრდობის სახლის დირექტორის მოადგილე ელენე აქვაბი. საკრებულოს წევრებმა მადლობა გადაუხადეს ელენეს გაწეული საგანმანათლებლო საქმიანობისთვის და იუბილე მიულოცეს.