სამტრედიის მუნიციპალიტეტის მერმა, დავით ბახტაძემ თბილისის მერიის მიერ ორგანიზებულ ადგილობრივი ეკონომიკური განვითარების მე-13 ფორუმში სპიკერის რანგში მიიღო მონაწილეობა.

   ადგილობრივი ეკონომიკური განვითარების ფორუმი 2007 წლიდან ჩამოყალიბდა, მოწინავე იდეების გაცვლისა და ქმედითი გადაწყვეტილებების მიღების პლატფორმად, რომელიც ქმნის თანამშრომლობის ჩამოყალიბების და ქალაქების განვითარების მდგრად და გრძელვადიან პერსპექტივას.

   ღონისძიების ფარგლებში დავით ბახტაძემ დამსწრე საზოგადოებას სესიაზე -„სივრცითი დაგეგმარება და ურბანული განაშენიანების“ თემაზე პრეზენტაცია წარუდგინა. თავის გამოსვლაში სამტრედიის მერმა ისაუბრა სამტრედიაში განხოციელებული, მიმდინარე და დაგეგმილი პროექტებისა და არსებული გამოწვევების შესახებ.

   თბილისი, ფორუმის ფარგლებში ყოველწლიურად მასპინძლობს, როგორც ადგილობრივ, ასევე საერთაშორისო დონის სპიკერებს, სხვადასხვა დარგის ექსპერტებს, მუნიციპალიტეტებისა და სახელმწიფო უწყებების წარმომადგენლებს.