9-10 დეკემბერს სამტრედიაში სტუმრად იმყოფებოდნენ არასამთავრობო ორგანიზაცია "ლიბერალური ხაზის" წარმომადგენლები მარი ბერაძე, იოსებ ძამუკაშვილი, ირაკლი იაგორაშვილი და ფილოსოფოსი დავით ზურაბიშვლი . შეხვედრა ,, შვედეთის საერთაშორისო ლიბერალური ცენტრისა“ და ,, ლიბერალური ხაზის“ ერთობლივ პროექტს წარმოადგენს. წარმოდგენილი თემა გახლდათ ახალგაზრდების ჩართულობა პოლიტიკის შემუშავების პროცესში. ლექცია-სემინარების მიზანია მუნიციპალიტეტებში მცხოვრებ ახალგაზრდებთან ერთად საზოგადოებაში არსებული მნიშვნელოვანი საკითხების განხილვაა. , ,, მნიშვნელოვანია ახალგაზრდების წახალისება და სტიმულირება, გააქტიურება, ასევე ლიბერალური ღირებულებების შესახებ საუბრები.“– აღნიშნა მარი ბერაძემ. ორგანიზაცია ერთი წლის განმავლობაში იმერეთის 12 მუნიციპალიტეტში შეხვდება ახალგაზრდებს და საბოლოოდ დადებს ოფიციალურ დოკუმენტს, რომელიც ახალგაზრდების პოლიტიკაში ჩართულობის ხარისხს განსაზღვრავს.