მე –12 საჯარო სკოლის პირველი კლასის მოსწავლეებმა ნამდვილი საახალწლო განწყობა შექმნეს. კლასის ხელმძღვანელმა, ხათუნა კოსტავამ კოსტიუმირებულ ზეიმში მოახერხა ბავშვებისა და მშობლების ინტეგრირება. კარგად დაგეგმილ, მხიარულ და კრეატიულ დღესასწაულს აფორმებდა საახალწლო მუსიკა და ცეკვები. მაყურებლის განწყობა კიდევ უფრო აამაღლა კლასის ხელმძღვანელისა და ბავშვების მიერ ერთად შესრულებულმა ცეკვამ. მოსწავლეებმა საზოგადოება ამოგზაურა საშობაო ზღაპარში და მიულოცა მათ დამდეგი შობა–ახალი წელი. ღონისძიების დასასრულს 2018 წლის შემობრძანება ფეიერვერკებითა და ფრანების გაშვებით აღნიშნეს.