27 დეკემბერს მუნიციპალიტეტის მერი და ადგილობრივი ხელისუფლების წარმომადგენლები სოფელ საჯავახოში ე.წ რეჭის უბანში დამეწყრილ ტერიტორიაზე იმყოფებოდნენ. როგორც მუნიციპალიტეტის მერი ვალერიან ფოცხვერია აღნიშნავს, რამდენიმე დღის წინ მერის წარმომადგენელმა შეატყობინა არსებული პრობლემის შესახებ. მეწყერი სოფლის სატრანსპორტო გზის ტერიტორიაზე ჩამოწვა. ,, მყისიერად მოვახდინეთ რეაგირება და დავუკავშირდი გეოლოგიური დეპარტამენტის ხელმძღვანელს მერაბ გაფრინდაშვილს. დღეს დასავლეთის რეგიონის წარმომადგენლები ჩამოვიდნენ ადგილზე საკითხის დეტალურად შესწავლის მიზნით. დაველოდებით გეოლოგიურ დასკვნას. ადგილობრივი ხელისუფლემა ეცდება პრობლემა უმოკლეს ვადებში მოაგვაროს. ვიზულური დათვალიერების საფუძველზე მეწყრის გამომწვევი მიზეზი წყაროს წყალი და უხვი ნალექია“.– აღნიშნა ვალერიან ფოცხვერიამ. დასავლეთში გეოლოგიური დეპარტამენტის წარმომადგენელმა ზვიად ბერიანიძემ მეწყრის გამომწვევ მიზეზად ასევე უხვი ნალექი და წყაროს წყალი დაასახელა ,, ტერიტორია აგებულია არაბუნებრივი ქანებით. გზებზე არის ე.წ დელუვიონი. საჭიროა არსებული წყაროსთვის, რომელიც კვლავ ქმნის მეწყრის საშიშროებას გავიყვანოთ დამატებითი არხები“ – განაცხადა გეოლოგმა. ადგილობრივი ხელისუფლება გეოლოგიურ დასკვნას ელოდება, რომლის საფუძველზეც უახლოს დღეებში დაიწყება გზის აღდგენითი სამუშაოები.