სამტრედიის მუნიციპალიტეტის 2023-2026 წლის საშუალოვადიანი განვითარების გეგმა
HOT LINE / ცხელი ხაზი
22-18-72
მუნიციპალიტეტის მერიაში, ორშაბათის ტრადიციული თათბირი, ქალაქისა ტერიტორიაზე მიმდინარე ინფრასტრუქტურული საკითხების მიმოხილვით დაიწყო. მუნიციპალიტეტის მერმა, ვალერი ფოცხვერიამ შესაბამისი სამსახურების წარმომადგენლებისგან ქალაქის 9 ქუჩაზე, სასოფლო–სამეურნეო დანიშნულების მიწებთან მისასვლელი გზების მოხრეშვა–დაგრეიდერების შესახებ ინფორმაცია მიიღო.
სამტრედიის რამდენიმე სოფელში კვლავ შეინიშნება აზიური ფაროსანას გააქტიურება. განსაკუთრებით გამოიკვეთა გორმაღლისა და ნაბაკევის ტერიტორიულ ორგანოში შემავალი სოფლები. შეწამვლითი სამუშაოების ორი ეტაპი დასრულებულია და მოსახლეობის განმარტებით, შედეგი საკმაოდ მაღალია, თუმცა ზემოთ აღნიშნულ ლოკაციებზე პრობლემამ კვლავ იჩინა თავი. უახლოეს პერიოდში დაიწყება შეწამვლის მესამე ეტაპი, რომლის შემდეგაც შედეგის გაუმჯობესებას ელიან.
მუნიციპალიტეტის მერმა დღევანდელ თათბირზე კონკრეტულ სოფლებში არსებული სხვადასხვა საკითხი ტერიტორიული ორგანოს წარმომადგენლებთან ერთად გაიარა.
მერიის ადმინისტრაციული სამსახურის ხელმძღვანელმა, ბეჟან გეგეშიძემ ჩვენს ეპარქიაში აწყურის ღვთისმშობლის ხატების ჩამობრძანების შესახებ ინფორმაცია გააჟღერა. სავარაუდოდ, 30 ივნისისა და 1 ივლისის ჩათვლით სიწმინდეებს დავით აღმაშენებლის სახელობის საკათედრო ტაძარში დააბრძანებენ და მრევლს მისი მოლოცვის საშუალება ექნება.
კულტურის სამსახურის ხელმძღვანელმა, ნატალია მანჯგალაძემ მსმენელი დღეს 18 საათზე, ე. მანჯგალაძის კულტურის ცენტრში, ფოლკლორის ცენტრის მიერ დაგეგმილ ღონისძიებაზე მიიპატიჟა, სადაც საზოგადოების წინაშე ხალხური სიმღერების ქალთა ანსამბლი ,,ნანინა“ და სხვა საშემსრულებლო ჯგუფები წარსდგებიან.