დღეს მუნიციპალიტეტის მერიაში კომპანია FICHTNFR–ის წარმომადგენლებსა და ადგილობრივ ხელისუფლებას შორის საკონსულტაციო შეხვედრა გაიმართა.

   გერმანული კომპანია სამტრედიაში, ვანსა და ბაღდათში წყალმომარაგებისა და საკანალიზაციო სისტემის რეაბილიტაციას იწყებს. ამ ეტაპზე მიმდინარეობს მდგომარეობის შესწავლა და კვლევა.

   როგორც მედიასთან საუბრისას კომპანიის წარმომადგენელმა კარლ ჰანს ბეკმანმა აღნიშნა, ,,ზემოთაღნიშნულ ლოკაციებზე ტექნიკური და საინჟინრო ნაწილის შესწავლას აწარმოებენ, ფასდება მუნიციპალიტეტის ტექნიკური და საინჟინრო ნაწილი.“

   სამუშაო შეხვედრას მუნიციპალიტეტის მერთან, ვალერი ფოცხვერიასთან ერთად, მოადგილე დავით ბახტაძე და ადგილობრივი ხელისუფლების სხვა წარმომადგენლები ესწრებოდნენ.