დღეს სამტრედიის მუნიციპალიტეტის საკრებულოს სხდომა გაიმართა. შეხვედრას ტრადიციულად საკრებულოს თავმჯდომარე ნუგზარ ჯამბურია უძღვებოდა. დეპუტატებმა დღის წესრიგით გათვალისწინებული ცხრამეტი საკითხი დაამტკიცეს.

   სამტრედიის მუნიციპალიტეტის ერთ–ერთ პრიორიტეტს მუნიციპალიტეტის გამწვანება და ეკოლოგიური მდგომარეობის მოწესრიგება წარმოადგენს. ამ მიზნით ადგილობრივ კეთილმოწყობისა და გამწვანების სამსახურს ახალი გამოცდილი და კომპეტენტური კადრი დაემატება.

   საკრებულოს წევრები დაეთანხმნენ, მუნიციპალიტეტში არსებული თავისუფალი სასოფლო და არასასოფლო დანიშნულების მიწების საპრივატიზაციო ობიექტებად განსაზღვრას.

   მოგახსენებთ, რომ საპრივატიზაციო მიწების საწყისი ფასი აუდიტის სამსახურის მიერ არის დადგენილი. უახლოეს მომავალში მიწები ელექტრონული ტენდერის საშუალებით გასხვისდება.