ხელბურთის საერთაშორისო შეჯიბრი
სამტრედიის მერი დავით ბახტაძე, მუნიციპალიტეტის ცენტრალურ სტადიონზე, ხელბურთის საერთაშორისო შეჯიბრის გახსნით მატჩს დაესწრო, რომელიც მუნიციპალიტეტის მერიის ორგანიზებით იმართება.
მილერი ქიშმარიასა და ვახტანგ ხელისუფალის ხსოვნისადმი მიძღვნილი საერთაშორისო ტურნირი სამტრედიაში წელს 21-ედ ტარდება და მასში საქართველოს სხვადასხვა მუნიციპალიტეტებიდან 11, ხოლო მოლდოვიდან, კერძოდ კიშინიოვიდან 1 გუნდი მონაწილეობს.
3-დღიანი სპორტული ღონისძიება 23 ნოემბერს დასრულდება. სამტრედიის მუნიციპალიტეტი პირველ, მეორე და მესამე ადგილებზე გასულ გუნდებს მედლებით, სიგელებითა და ფულადი პრიზებით დააჯილდოებს.
