19 თებერვალს, სოფელ ტოლებში, ბუნებრივი აირის გაჟონვის შედეგად დაზარალებული ნუკრი მეფარიშვილის საცხოვრებლის გაწმენდითი სამუშაოები აქტიურად მიმდინარეობს. უეცარმა აფეთქებამ მეფარიშვილების სახლი სრულიად გაანადგურა, ხოლო ოჯახის უფროსმა სხეულის ზედა ნაწილის დამწვრობა მიიღო.

   სამტრედიის მუნიციპალიტეტის მერმა, ვალერი ფოცხვერიამ მაქსიმალური დახმარება აღუთქვა მეფარიშვილების ოჯახს. ამჯერად, გაწმენდით სამუშაოებს მუნიციპალიტატის კუთვნილი ტექნიკა ინტენსიურ რეჟიმში ახორციელებს.

   დღეს ვალერი ფოვცხვერიამ ტოლების ადმინისტრაციული ერთეულის მაჟორიტარ დეპუტატთან, ილია მჟავიასთან ერთად ადგილზე დაათვალიერა მიმდინარე სამუშაოები და დაზარალებულის ოჯახს გვერდით დგომას დაჰპირდა.