დღეს სოფელ იანეთში შპს ,,ჯეო ჰოსპიტალსმა,, მერიის თანადაფინანსებით, მოსახლეობისთვის ჯანმრთელობის უფასო გამოკვლევები ჩაატარა.

   ადგილზე იმყოფებოდნენ სამტრედიის მუნიციპალიტეტის მერი, ვალერიანე ფოცხვერია და ადგილობრივი ხელისუფლების სხვა წარმომადგენლები.

   მუნიციპალიტეტის მერმა ,,ჯეო ჰოსპიტალის,, დირექტორს, ირაკლი ლაღიძეს მადლობა გადაუხადა აღნიშნული წამოწყებისათვის და განაცხადა ,რომ მოსახლეობის ნაწილს, ვისაც გადაუდებელი ქირურგიული ჩარევა სჭირდება, მერია მზად არის დაუფინანსოს მათ ოპერაცია.

   ,,ჯეო ჰოსპიტალის,, ადმინისტრაციის უფროსმა ლელა ხურციძემ განაცხადა, რომ აღნიშნული აქცია სამტრედიის მუნიციპალიტეტის სხვა სოფლებშიც აქტიურად გაგრძელდება.