დღეს მერიაში გამართულ თათბირზე მუნიციპალიტეტის მერმა, ვალერი ფოცხვერიამ სამტრედიაში მიმდინარე პროცესების შესახებ, სამსახურის უფროსებისგან ინფორმაცია მოისმინა.

   მერმა ტერიტორიული ორგანოს წარმომადგენლებს, თავიანთ სამოქმედო არეალში, გუშინდელი ძლიერი ქარის შედეგებზე ესაუბრა. სტიქიამ რამდენიმე ადგილზე ზარალი გამოიწვია. შესაბამისმა სამსახურებმა დროული რეაგირება მიახდინა. უკვე მიმდინარეობს ზარალის შესწავლა, რომლის შემდეგაც დაიწყება აღდგენითი სამუშაოები.

   დღევანდელ თათბირზე მერმა მუნიციპალიტეტის მასშტაბით მიმდინარე პროექტებზეც გაამახვილა ყურადღება.