დღეს, სამტრედიის მე–12 საჯარო სკოლის პირველკლსელებმა დედაენისადმი მიძღვნილი ღონისძიება გამართეს.

   პატარებმა მხიარულად გვამოგზაურეს ანბანეთში და იაკობ გოგებაშვილისეული სიბრძნის დიდებულებაში კიდევ ერთხელ დაგვარწმუნეს.

   ღონისძიებაზე გოგო–ბიჭები ერთმანეთს ენაცვლებოდნენ ლექსებითა და სიმღერებით. პედაგოგ სოფიკო მარჯანიძის აღსაზრდელები გამორჩეულად ჭკვიანები და ლაღები იყვნენ.

   ღონისძიებას ესწრებოდნენ სკოლის დირექტორი ნინო ონიანი, პედაგოგები და მოსწავლეთა მშობლები.

   სკოლის დირექტორმა ნინო ონიანმა, ღონისძიების დასრულების შემდეგ მიულოცა პირველკლასელებს სასწავლო წლის წარმატებით დასრულება და წარმატებები უსურვა მათ.

   დასასრულს, მოსწავლეებს სიგელები და სამახსოვრო ალბომები გადაეცათ.