სამტრედიაში წარმატებულ მოსწავლეებს სკოლის წარჩინებით დასრულებისათვის სამახსოვრო მედლები და სერთიფიკატები გადაეცათ. მედლები ასევე გადაეცათ სტუდენტებს, რომლებმაც შარშან გარკვეულ მიზეზთა გამო მედალი ვერ მიიღეს. შარშანდელთან შედარებით სამტრედიის მასშტაბით წარჩინებულ მოსწავლეთა რიცხვი გაზრდილია, რაზეც სტატისტიკა მეტყველებს. დღეს 64 მედალი გაიცა, საიდანაც 47 ოქროს ხოლო 17 – ვერცხლის იყო. დაჯილდოების ცერემონიალს მუნიციპალიტეტის გამგებლის მოადგილე ლიზა კრავეიშვილი, განათლების,კულტურის, სპორტისა და ახალგაზრდობის საქმეთა სამსახურის უფროს ნატალია მანჯგალაძე , მაჟორიტარი დეპიტატის ბიუროს ხელმძღვანელი თინათინ ხარძიანი  ესწრებოდნენ. სტუდენტთა უმრავლესობას, რომლებსაც მედლები გადაეცათ მოპოვებული აქვთ სახელმწიფო გრანტი და ირიცხებიან პრესტიჟულ სახელწიფო თუ კერძო უნივერსიტეტებში.