დღეს დასრულდა ცნობილი ხელბურთელების ვახტანგ ხელისუფალისა და მილენ ქიშმარიას ხსოვნისადმი მიძღვნილი ტრადიციული ტურნირი ხელბურთში, რომელიც უკვე 13 წელია მიმდინარეობს.

   ტურნირში მონაწილეობას 6 მუნიციპალიტეტისა და უკრაინის ქალაქ მელიტოპოლის გუნდები იღებდნენ.

   ფინალი სამტრედიასა და მელიტოპოლის გუნდებს შორის გაიმართა და სამტრედიელთა გამარჯვებით 28:19 დასრულდა. ხოლო მესამე ადგილი კი წყალტუბოს გუნდმა დაიკავა.

   ტურნირის ფინალურ დაპირისპირებას საქართველოს ხელბურთის ფედერაციის პრეზიდენტი ზურაბ კაკაბაძე, სამტრედიის მუნიციპალიტეტის საკრებულოს თავმჟდომარის მოადგილე კობა ძიძიგური და ადგილობრივი ხელისუფლების სხვა წარმომადგენლები ესწრებოდნენ.

   საპრიზო ადგილებზე გასულ გუნდებს სამახსოვრო საჩუქრები და ფულადი ჯილდო გადაეცათ.