427 000 ლარიანი გრანტი სამტრედიისთვის ევროკავშირმა საპილოტე რეგიონების ინტეგრირებული განვითარების პროგრამის ფარგლებში გამოყო.

   ინფორმაცია სამხარეო საკონსულტაციო საბჭოს სხდომაზე გაჟღერდა, რომელსაც იმერეთში სახელმწიფო რწმუნებული, ზვიად შალამბერიძე უძღვებოდა.

   სხდომაზე ევროკავშირის პროექტის, საპილოტე რეგიონების ინტეგრირებული განვითარების პროგრამის გრანტის გამარჯვებულები დასახელდნენ.

   სხდომას ესწრებოდნენ სამტრედიის მუნიციპალიტეტის მერი, ვალერი ფოცხვერია და საკრებულოს თავმჯდომარის მოადგილე, კობა ძიძიგური.

   ,,მადლობა მინდა გადავუხადო პროექტის შედგენაში მონაწილე პირებს, მერიისა და საკრებულოს წარმომადგენლებს: ალექსანდრე ნაცვლიშვილს, ლაშა ორმოცაძეს, დავით შენგელიას და გოჩა არველაძეს. მნიშვნელოვანია, რომ პროექტის ფარგლებში, თამარ მეფის ქუჩაზე, რკინიგზის სადგურის მიმდებარედ, თანამედროვე სტანდარტების შესაბამისი დასასვენებელ- გასართობი სკვერი მოეწყობა," აღნიშნა ვალერი ფოცხვერიამ.