სამტრედიის მუნიციპალიტეტის 2023-2026 წლის საშუალოვადიანი განვითარების გეგმა
HOT LINE / ცხელი ხაზი
22-18-72
დღეს სამტრედიაში ახალი პროექტის პრეზენტაცია გაიმართა. USAID-ის ფინანსური მხარდაჭერით, კავკასიის კვლევითი რესურსცენტრის თანამშრომლობით და საქართველოს პოლიტიკის ინსტიტუტის პროგრამით ფუნქციონირებას იწყებს მომავალ ლიდერათა სკოლა -ELS 2021.
პროექტის მიზანია ახალგაზრდების ცნობიერების ამაღლება პოლიტიკური პროცესებისა და დემოკრატიზაციის კუთხით. მათი ლიდერული უნარ-ჩვევების განვითარება, პოლიტიკური და სოციალური ჩართულობის წახალისება და მათი პროფესიული ზრდა.
მომავალ ლიდერთა სკოლა იმერეთის გარდა საქართველოს სხვადასხვა რეგიონში ამოქმედდება და ახალგაზრდებს 6 თვის განმავლობაში 24 ტრენინგ-მოდულს შესთავაზებს სოციალურ და პოლიტიკურ თემატიკაზე. ტრენინგებს ქვეყნის წამყვანი სპეციალისტები და ექსპერტები გაუძღვებიან.
პროექტში ჩართვა შეუძლიათ 18-35 წლის ასაკის აქტიურ ახალგაზრდებს, რომელთა ინტერესის სფერო ქვეყანაში მიმდინარე სოციალურ- პოლიტიკური პროცესებია.
დღევანდელ შეხვედრაზე სამტრედიელ ახალგაზრდებთან ლიდერთა სკოლაზე პრეზენტაცია საქართველოს პოლიტიკური ინსტიტუტის დირექტორმა კორნელი კაკაჩიამ და მომავალ ლიდერთა სკოლის იმერეთის კოორდინატორმა, მარიკა ვაჭარაძემ წარმოადგინეს.