სამტრედიის მუნიციპალიტეტის 2023-2026 წლის საშუალოვადიანი განვითარების გეგმა
HOT LINE / ცხელი ხაზი
22-18-72
დღეს მუნიციპალიტეტის საკრებულოში რიგგარეშე სხდომა გაიმართა, რომელსაც საკრებულოს თავმჯდომარის მოადგილე, კობა ძიძიგური უძღვებოდა.
საკრებულოს ინფრასტრუქტურის საკითხთა კომისიის თავმჯდომარემ, მერაბ უღრელიძემ დეპუტატებს რეგიონებში განსახორციელებელი პროექტების ფონდიდან, სამტრედიის მუნიციპალიტეტში, 2021-2024 წლებში განსახორციელებელი პროექტების სამოქმედო გეგმა წარუდგინა.
წარმოდგენილ ინფორმაციაში კონკრეტულადაა ჩაშლილი ყველა პროექტის დასახელება, ღირებულება და შესასრულებელი დრო.
2021-2024 წლებში დაგეგმილი პროექტებიდან უმრავლესობა ქუჩების ასფალტ-ბეტონით მოპირკეთებას ეთმობა.
აქვე გათვალისწინებულია ბეტონის საფარის დაგება გაღმა ზონის მაღალმთიანი სოფლების მიმართულებით;
გარე განათების მოწყობა;
სპორტული და სარეკრეაციო ინფრასტრუქტურის რეაბილიტაცია;
რამდენიმე ადმინისტრაციულ ერთეულში საბავშვო ბაღის მშენებლობა და მუნიციპალიტეტის საბავშვო ბაღების გაზიფიცირება;
მრავალსართულიანი ბინების ეზოების, სახურავისა და კომუნიკაციების რეაბილიტაცია; წყლის სისტემის და სანიაღვრე არხების რეაბილიტაცია;
სკოლების სრული რეაბილიტაცია;
სამტრედიაში სპორტის სასახლის მშენებლობა.
ეს არის ზოგადი ჩამონათვალი, რა მიმართულებითაც მნიშვნელოვანი პროექტებია დაგეგმილი.
დღევანდელ სხდომაზე დეპუტატებმა რამდენიმე ააიპ-ის განკარგულებაში შეტანილ შიდა მუხლობრივ გადაადგილებასაც დაუჭირეს მხარი.