ქართული ჟურნალისტიკის დღესთან დაკავშირებით, მერიის სხდომათა დარბაზში, გაზეთ ,,სამტრედიის მაცნეს" ორგანიზებით საინფორმაციო შეხვედრა მოეწყო.

   დღევანდელ შეკრებაზე ხაზი გაესვა ჟურნალისტიკის როლს ქვეყნის განვითარების საქმეში, აქცენტი გაკეთდა მის მნიშვნელობასა და ფუნქციებზე.

   შეხვედრაზე მედიის წარმომადგენლებთან ერთად ისაუბრეს ადგილობრივი ხელისუფლების წარმომადგენლებმა. მათ პროფესიული დღესასწაული მიულოცეს ჟურნალისტებს და კარიერული წინსვლა უსურვეს ამ საპასუხისმგებლო საქმეში.