დღეს სამტრედიის მუნიციპალიტეტში საკრებულოს რიგგარეშე სხდომა გაიმართა , რომელსაც საკრებულოს თავმჯდომარე ნუგზარ ჯამბურია უძღვებოდა.

   საკრებულოს წევრებმა დღის წესრიგით გათვალისწინებულ საკითხებს კენჭი უყარეს.

   პირველი საკითხი ინფრასტრუქტურის საკითხთა კომისიის თავჯდომარემ ტარიელ ცომაიამ წარმოადგინა, რომელიც რეგიონებში განსახორციელებელი პროექტების ფონდიდან , სამტრედიის მუნიციპალიტეტში 2022 წელს განსახორციელებელ 17 პროექტის მოწონებას ეხებოდა.

   საკრებულოს წევრებმა მხარი დაუჭირეს ბინათმესაკუთრეთა ამხანაგობის განვითარების ხელშეწყობის 2022 წლის პროგრამას , რომელიც იურიდიულ ,ადამიანის უფლებათა დაცვის , საპროცედურო და სამანდატო საკითხთა კომისიის თავმჯდომარე მანანა სირბილაძემ წარმოადგინა.