ინფრატრუქტურული სამუშაოების მონიტორინგის ფარგლებში, მუნიციპალიტეტის მერმა, დავით ბახტაძემ, პირველ მოადგილესთან, ვლადიმერ ზაქრაძესთან და საკრებულოს თავმჯდომარის პირველ მოადგილესთან, ვაჟა სტურუასთან ერთად ჩხენიშის ადმინისტრაციულ ერთეულში ამბულატორიის მშენებლობის სამუშაოები დაათვალიერა და ადგილობრივებს გაესაუბრა.

   რეგიონებში განსახორციელებელი პროექტების ფონდიდან და ადგილობრივი ბიუჯეტის ფარგლებში დაფინანსებული ამბულატორიის მშენებლობის სამუშაოები გეგმა-გრაფიკის დაცვით მიმდინარეობს. სამუშაოებს ტენდერში გამარჯვებული კომპანია შპს. ,,მეგაბილდი" ასრულებს.

   დავით ბახტაძე- ,,ადმინისტარციული ცენტრიდან დაცილებული დასახლებებისთვის ჯანდაცვის სერვისების ხელმისაწვდომობა ჩვენთვის ერთ-ერთი პრიორიტეტული მიმართულებაა. მიმდინარე წელს ამბულატორიის მშენებლობა დავგეგმეთ სოფელ ჩხენიშში, რაც ცენტრალური ხელისუფლების მხარდაჭერით და ადგილობრივი მოსახლეობის მოთხოვნის საფუძველზე განხორციელდა. ახლო მომავალში სოფელს თამამედროვე სტანდარტების შესაბამისი ამბულატორია ექნება."