18 მაისი მუზეუმის საერთაშორისო დღეა.

   1977 წლიდან მუზეუმების საერთაშორისო საბჭოს გადაწყვეტილებით ამ დღეს მსოფლიოს 150 ქვეყანაში არსებულ სხვადასხვა მუზეუმებში კონფერენციები და ღია კარის დღეები იმართება.

   აღნიშნულ დღესთან დაკავშირებით სოფ. დიდი ჯიხაიშის ნიკო ნიკოლაძის სახლ-მუზეუმში გაიმართა საჯარო ლექცია თემაზე "საქართველოს დამოუკიდებლობა და დამოუკიდებლობის აქტზე ხელმომწერები" , რომელიც უახლესი ისტორიის დოქტორანტმა გიგა ჩალიგავამ და თანაწამყვანმა გიორგი ცაგარეიშვილმა წაიკითხეს.

   ღონისძიებას მუნიციპალიტეტის მერის მოადგილე გიორგი მეიშვილი, კულტურის სამსახურის უფროსი ნატალია მანჯგალაძე, საგანმანათლებლო რესურს-ცენტრის ხელმძღვანელი თინა ხარძიანი და ადგილობრივი ხელისუფლების სხვა წარმომადგენლები ესწრებოდნენ.