მუნიციპალიტეტის საკრებულოს დღევანდელ სხდომას, ტრადიციულად საკრებულოს თავმჯდომარე, ნუგზარ ჯამბურია უძღვებოდა. დღის წესრიგით წარმოდგენილი 7 საკითხი მან დეპუტატებს სხდომაზე წარმოსასგენად და დასამტკიცებლად შესთავაზა.

   რამდენიმე ააიპ ორგანიზაციის განკარგულებებში შიდა მუხლობრივი ცვლილებების შეტანის და დამტკიცების შემდეგ საფინანსო - საბიუჯეტო კომისიის თავმჯდომარემ, მერაბ უღრელიძემ კოლეგებს ივნისის თვის ბიუჯეტის შესრულების შესახებ ანალიზი წარუდგინა. 32 237 800 ლარითაა წარმოდგენილი ამ ჯერზე მუნიციპალიტეტის მთავარი ფინანსური პორტფელი. შეგახსენებთ ელის დასწაყისში ეს ციფრი 18 მლნ. იყო.

   დღევანდელ სხდომაზე 6 თვის ანგარიშით წარსდგა მერიის განათლების, კულტურის, ძეგლთა დაცვის, ტურიზმის, სპორტისა და ახალგაზრდობის საქმეთა სამსახურის ხელმძღვანელი, ნატალია მანჯგალაძე. მან დეტალურად ისაუბრა ყველა იმ განხორციელებულ პროექტზე, რომელიც აღნიშნული სამსახურის ანგარიშზე მოდის. საკრებულოს წევრებმა ერთხმად აღნიშნეს, რომ ეს არის მერიის სამსახურებს შორის ერთ-ერთი ძლიერი და დასაყრდენი რგოლი.