ზესტაფონის მუნიციპალიტეტში ლირიული სიმღერის ფესტივალი „სულიკო 2017“ გაიმართა. ზესტაფონის მუნიციპალიტეტის თვითმმართველობის ორგანიზებით ჩატარდა ვარინკა წერეთლის სახელობის ფესტივალი, რომელშიც მონაწილეობდნენ იმერეთის რეგიონის შემსრულებლები. ქალაქ სამტრედიის სახელით ფესტივალში მონაწილეობას იღებდა მომღერალი ლეილა რუხაძე, რომელიც მსმენელის წინაშე ორი მუსიკალური ნომრით წარსდგა. მონაწილეები შეაფასა კომპეტენტურმა ჟიურიმ, მათ შორის იყვნენ რუსუდან სებისკვერაძე, ნუნუ გაბუნია და მაია ჯამალაშვილი.სწორედ ლეილა რუხაძე გახდა ჟიურის რჩეული. ფესტივალს საფუძველი 1981 წელს ჩაეყარა და ტრადიციული სახე მიიღო. იგი ახდენს ქართული სიმღერის პოპულარიზაციას, განსაკუთრებით ისეთი ჟანრებისა, როგორიცაა:იმერული, ლირიული, ქალაქური და ქართველ კომპოზიტორთა მიერ შექმნილი ნაწარმოებები.