დღეს მუნიციპალიტეტის საკრებულოში ბიუროს სხდომა გაიმართა, რომელსაც საკრებულოს თავმჯდომარე, ნუგზარ ჯამბურია უძღვებოდა.

   დეპუტატებმა მხარი დაუჭირეს საკრებულოს სხდომაზე დღევანდელი დღის წესრიგით წარმოდგენილი 10 საკითხის დასამტკიცებლად გატანას.

   ბიუროს სხდომას ესწრებოდა მუნიციპალიტეტის მერიის ეკონომიკური განვითარების, ეკონომიკური სტატისტიკის, ქონების მართვისა და სოფლის მეურნეობის სამსახურის უფროსი, ნოე ივანიაძე, რომელიც 2022 წლის 1-ელი იანვრიდან 20 აგვისტომდე გაწეული მუშაობის შესახებ ანგარიშის ბოლო დეტალებს სწორედ ბიუროს სხდომაზე აჟღერებდა. იგი საკრებულოს წევრების წინაშე ვრცელი მოხსენებით წარსდგება.

   დეპუტატებს ინფორმაცია მიეწოდებათ ასევე 2022 წლის ივლისის ბიუჯეტის შესრულების ანალიზის შესახებ.