დღევანდელი თათბირი მუნიციპალიტეტის მერიის სხდომათა დარბაზში სამსახურის ხელმძღვანელებთან, მერის წარმომადგენლებთან და ა(ა)იპ-ების დირექტორებთან სხვადასხვა საორგანიზაციო საკითხის განხილვას დაეთმო.

   მუნიციპალიტეტის მერმა, დავით ბახტაძემ ყველა უწყებას კოორდინირებული მუშაობისკენ მოუწოდა და ა(ა)იპ- ების საქმისწარმოების ერთიან ელექტრონულ სისტემში ჩართვაც დააანონსა. დავით ბახტაძე: ,,მნიშვნელოვანია საჯარო სექტორი იდგეს მოწოდების სიმაღლეზე და დოკუმენტაცია აწარმოოს თანამედროვე სტანდარტების შესაბამისად. ყურადღებით მოვეკიდოთ პრემიერ-მინისტრის მიერ ინიცირებულ პროგრამას, სოციალურად დაუცველ მოქალაქეებთან დაკავშირებით. უნდა შევძლოთ და მაქსიმალურად მოვარგოთ აღნიშნული პროგრამა ჩვენს მოქალაქეებს."

   დღევანდელ აეხვედრას ესწრებოდნენ მშენებელი ორგანიზაციების წარმომადგენლები, რომლებიც მიმდინარე ინფრასტრუქტურულ პროექტებზე მუშაობენ. მერმა მათგან დაწვრილებით მოისმინა არსებული მდგომარეობის შესახებ ინფორმაცია.