მუნიციპალიტეტის მერი დავით ბახტაძე ადგილობრივი თვითმმართველობის წარმომადგენლებთან ერთად N 3 და გომის საჯარო სკოლებს ესტუმრა.

   ახალი სასწავლო წლის დაწყება დავით ბახტაძემ, სკოლის პედაგოგებს, მოსწავლეებს და მშობლებს მიულოცა. მათთან ერთად წარმატებები უსურვა პირველკლასელებს.

   „ყველა მოსწავლეს, პედაგოგს და მშობელს გილოცავთ ახალი სასწავლო წლის დაწყებას. სკოლის წლებს გამორჩეული და განსაკუთრებული ადგილი აქვს თითოეული ადამიანის ცხოვრებაში. ეს დაუვიწყარი პერიოდია. მოსწავლეებისთვის იწყება საკუთარი შესაძლებლობების გამოვლენის კიდევ ერთი წელი. ისინი შემართებით არიან და ვულოცავ მათ. ასევე მინდა მივულოცო პედაგოგებს, რომელთათვისაც დაუღალავი შრომის, თავდადების და უდიდესი პასუხისმგებლობის წელი იწყება."

   განსაკუთრებით მინდა მივულოცო პირველკლასელებს, რომლებმაც დღეს პირველად შეაღეს სკოლის კარი. მათთვის ეს განსაკუთრებით ემოციური და დაუვიწყარი დღეა. ჩემო პატარებო, გისურვებთ წარმატებულ, სასიამოვნო და ცოდნით სავსე ბედნიერ წლებს.“