სამტრედიაში, იანეთის ადმინისტრაციულ ერთეულში აქტიურად მიმდინარეობს 75 ბავშვზე გათვლილი საბავშვო ბაღის მშენებლობა, რომელიც საპილოტე რეგიონების ინტეგრირებული განვითარების პროგრამის ფარგლებში ხორციელდება.

   ახალი საბავშვო ბაღი, ყველა თანამედროვე სტანდარტს უპასუხებს, კეთილმოეწყობა ეზო, სადაც განთავსდება ატრაქციონები და სათამაშო მოედანი.

   ბაგა-ბაღის მშენებლობის პროცესს მუნიციპალიტეტის მერი, დავით ბახტაძე, მერიის ზედამხედველობის სამსახურის ხელმძღვანელთან, ამირან თევდორაძესთან და ადგილობრივი ხელისუფლების წარმომადგეებთან ერთად გაეცნო. დავით ბახტაძე - ,, სამტრედიაში აქტიურად მიმდინარეობს ინფრასტრუქტურული პროექტები.    ამჟამად ვიმყოფებით სოფელ იანეთში სადაც გადამწყვეტ ფაზაში შედის საბავშვო ბაღის მშენებლობა, რომელიც იქნება თანამედროვე სტანდარტების შესაბამისი. ბაღის მშენებლობა გეგმა-გრაფიკის დაცვით მიმდინარებოს."

   როგორც ადგილობრივმა სვეტლანა ლეკვეიშვილმა აღნიშნა, ბაგა-ბაღის მშენებლობით ადგილობრივების დიდი ხნის სურვილი ახდა და ყველანი ძალიან გახარებულები არიან.

   სამუშაოებს სამტრედიის მუნიციპალიტეტის მერიის დაკვეთით ტენდერში გამარჯვებული კომპანია ,,ინჟმშენი 96" ასრულებს.