დღეს სამტრედიის მუნიციპალიტეტის საკრებულოს სხდომა გაიმართა.

   სამტრედიის მუნიციპალიტეტის საკრებულოს თავმჯდომარე ნუგზარ ჯამბურიამ კოლეგებსა და საზოგადოების წევრებს დეტალურად გააცნო ინფორმაცია 2022 წლის 1 იანვრიდან 31 ოქტომბრის ჩათვლით საკრებულოს გაწეული მუშაობის შესახებ.

   დღის წესრიგით გათვალისწინებული საკითხები ძირითადად ორგანიზაციებში შიდა მუხლობრივ ცვლილებებს შეეხო.

   ცვლილება შევიდა მერიის ჯანმრთელობისა და სოციალური დაცვის სამსახურის, 2022 წლის მიზნობრივ სოციალურ პროგრამაში.

   სოციალური ბიუჯეტი გაიზარდა 200 000 ლარით , კერძოდ : მოქალაქეთა სამედიცინო მომსახურება 173000 ლარით, მრავალშვილიანი ოჯახების დახმარება 10 000 ლარით, შშმ პირების ფინანსური დახმარება 10 000 ლარით , ერთჯერადი დახმარება განსაკუთრებულ შემთხვევებში 20 000 ლარით, ხოლო მოწყვლადი ოჯახების ფინანსური დახმარება კი 7000 ლარით.