სამტრედიის მუნიციპალიტეტის მასშტაბით შიდა სასოფლო და საუბნო გზების კეთილმოწყობა აქტიურად მიმდინარეობს.

   მუნიციპალური განვითარების ფონდის და ადგილობრივი ბიუჯეტის ფარგლებში ბეტონის საფარი იგება, სოფელ ნოღიდან, გამოჩინებულის, წმინდა გიორგის სახელობის, ზანდოს მამათა მონასტრის მიმართულებით.

   მიმდინარე სამუშაოებს ადგილზე გაეცნო მუნიციპალიტეტის მერი.

   დავით ბახტაძის განმარტებით აღნიშნული გზის კაპიტალურად მოწყობა ადგილობრივების, ასევე მომლოცველების გადაადგილებისთვის უმნიშვნელოვანესია და ხელს შეუწყობს ტურიზმის განვითარებას.

   მოსახლეობის განცხადებით აღნიშნულ ლოკაციაზე კაპიტალური გზა არასდროს ყოფილა.