ციცინო ვაშაკიძე

სკოლის საერთო ფართობია 5/77 კვ.მ - 0,5 ჰა. სკოლა არის ორსართულიანი კაპიტალური შენობა. მოწესრიგებული კომპიუტერის ოთახით, სპორტული დარბაზით.

სკოლაში სულ მუშაობს 19 პედაგოგი და განათლებას ღებულობს 120 ბავშვი. დიდი ჯიხაიშის გ. ნიკოლაძის სახ. №3 სკოლა დაარსებულია 1943 წ. თავდაპირველად იგი ყოფილა ოთხწლედი, სადაც წლების განმავლობაში სწავლობდნენ წერა-კითხვის არმცოდნე ასაკოვანი ადამიანებიც. მოგვიანებით სკოლა გადაკეთებულა საბაზოდ და მას შემდეგ არაერთი ცნობილი და ღირსეული ადამიანი აღზარდა კიდეც. მოსწავლეთა მოზიდვის მიზნით წელს პირველად დაიწყო ინგლისური ენის სწავლება მე-4-5 კლასებში გერმანული და რუსული ენების პარალელურად. სკოლაში ფუნქციონირებს საგნობრივი კათედრები და საგნობრივი წრეები. მარტის ბოლოს რაიონულ ტურნირში „მხიარული სტარტები“ ჩვენმა მოსწავლეებმა დაიკავეს გუნდური პირველი ადგილი 17 სოფლის სკოლას შორის.

სკოლის სამმა მეხუთე კლასელმა მონაწილეობა მიიღო რაიონში გამართულ მათემატიკის კონკურსში და აჩვენა კარგი შედეგი. ორმა მეცხრე კლასელმა ხვედელიძე გურამმა და ვაშაკიძე ნოდარმა გაგზავნეს თემები თბილისში რესპუბლიკურ კონფერენციაში მონაწილეობის მისაღებად ქიმიაში და გერმანულში. მეცხრე კლასელი ვაშაკიძე ნოდარი მონაწილეობას იღებდა სატელევიზიო პროექტში „ეტალონი“. სკოლის პედაგოგებმა ეტაპობრივად გაიარეს კომპიუტერის შემსწავლელი ერთთვიანი კურსები და დაეუფლნენ სავალდებულო პროგრამას.