სამტრედიაში, მთავრობის ადმინისტრაციის ორგანიზებით, ზაფხულის მუსიკალური საღამო გაიმართა.

   სადღესასწაულო კონცერტი, რომელშიც მონაწილეობა ნოდარიკო ხუციშვილმა და ბენდმა, ეკა კახიანმა, ნინი ბადურაშვილმა და ქრისტინე იმედაძემ მიიღეს გრანდიოზული ფეიერვერკით დასრულდა.

   მთელი დღის განმავლობაში ქალაქის ტერიტორიაზე რკინიგზის სადგურის მიმდებარე სკვერში მოეწყო ადგილობრივი მეწარმეების ხელნაკეთი ნივთების გამოფენა-გაყიდვა. წარმოდგენილი იყო საბავშვო გასართობი და შემეცნებითი აქტივობები - ზღაპრის გმირები და სახალისო თამაშები, საპნების შოუ, თითების თეატრი, გვირგვინების მასტერკლასი,ფონური მუსიკა.

   დავით ბახტაძე სამტრედიის მუნიციპალიტეტის მერი -,,დღევანდელი დღე შედგა სამტრედიაში. მთავრობის ადმინისტრაციის მიერ დაგეგმილი კონცერტი ქალაქში ხალხმრავლობით გამოირჩეოდა. მსგავსი ღონისძიებები ახალგაზრდებისთვის ძალიან მნიშვნელოვანია და დიდი მადლობა ამისთვის ორგანიზატორებს. მუნიციპალიეტის მერია მუდმივად მხარდამჭერი იქნება ამ ტიპის საღამოების."

   „მუსიკალური საღამოები“ მთელი ქვეყნის მასშტაბით მუნიციპალიტეტებში ყოველ შაბათ-კვირას საქართველოს მთავრობის ადმინისტრაციის ორგანიზებით იმართება.