ბარაქიანი შემოდგომის ფერები პატარების მხიარულებამ და ჟრიამულმა კიდევ უფრო ააფერადა. სამტრედიის N6 ბაგა-ბაღის აღსაზრდელებმა გვიანი შემოდგომა ბაღის ეზოში შემოიპატიჟეს და არაჩვეულებრივად ლამაზი სივრცეები შექმნეს.

   აღსაზრდელებმა რამდენიმე საინტერესო აქტივობაც წარმოგვიდგინეს. მხიარულმა გოგო-ბიჭებმა შემოდგომის ერთი დღე ნამდვილ ზეიმად აქციეს, თათარაც მოადუღეს და ჩურჩხელაც ამოავლეს.

   ,,ჩვენი გუნდი ყოველდღიურად ცდილობს პატარებს, საჭირო აქტივობებით გამოუმუშაოს ყველა ის აუცილებელი უნარ-ჩვევა, რომელიც ასე მნიშვნელოვანია მათი განვითარებისთვის," აღნიშნა ბაგა-ბაღის მმართველმა ლინა შენგელიამ.

   აღსანიშნავია, რომ აღმზრდელთა კრეატიული და საინტერესო იდეები N6 ბაგა-ბაღში უცხო ნამდვილად არაა.