დღეს სამტრედიის მუნიციპალიტეტის საკრებულოში ბიუროს რიგგარეშე სხდომა გაიმართა.

   საკრებულოს თავმჯდომარემ, ნუგზარ ჯამბურიამ დღის წესრიგით გათვალოსწინებული საკითხები გააცნო ბიუროს წევრებს.

   საკრებულოს სხდომაზე განსახილველი საკითხები ინფრასტრუქტურის საკითხთა კომისიის თავმჯდომარემ, ტარიელ ცომაიამ დეტალურად წარმოადგინა.

   კომისიური წესით დამუშავებული საკითხები მუნიციპალიტეტის სხვადასხვა ლოკაციაზე მდებარე საპრივატიზაციო ობიექტების ნუსხას ეხებოდა.

   ბიუროს სხდომას ესწრებოდა მერიის ეკონომიკისა და ქონების სამსახურის უფროსი ნოე ივანიაძე, რომელმაც დამატებითი განმარტებები გააკეთა ზემოთ აღნიშნულ საკითხებზე.

   წარმოდგენილი პროექტები უახლოეს საკრებულოს სხდომაზე წარედგინება საკანონმდებლო ორგანოს წევრებს.