28 დეკემბრის საკრებულოს სხდომაზე განხილული 20 საკითხიდან 18 ინფრასტრუქტურას ეხებოდა. ინფრასტრუქტურის საკითხთა კომისიის თავმჯდომარემ მერაბ უღრელიძემ ქალაქისა და ცალკეული სოფლების მიწების იჯარა– აუქციონით გადაცემის საკითხი გააცნო კოლეგებს, ყველა წარმოდგენილ საკითხს საკრებულომ მხარი დაუჭირა.

   საკრებულომ იმსჯელა და დასტური მისცა სამტრედიის მუნიციპალიტეტის ნარჩენების მართვის 2018–2022 წლების სამოქმედო გეგმის დამტკიცებას. სხდომას ესწრებოდა ნარჩენების მართვის სამუშაო ჯგუფის ხელმძღვანელი ნოე ივანიაძე და ერთ–ერთი წევრი ალექსანდრე ნაცვლიშვილი. აღსანიშნავია, რომ სამტრედიის მუნიციპალიტეტი ერთ–ერთი პირველია, რომელმაც ნარჩენების მართვის ინდივვიდუალური გეგმა შეიმუშავა. 2018 წლიდან აღნიშნული გეგმის აღსრულება დაიწყება.