დღეს სამტრედიის მუნიციპალიტეტის საკრებულოს სხდომა საკრებულოს თავმჯდომარემ ნუგზარ ჯამბურიამ გახსნა. სხდომაზე დღის წესრიგის 15 საკითხი საკრებულოს წევრებმა განიხილეს და დაამტკიცეს. განხილვის ერთ–ერთი თემა იყო სამტრედიის მუნიციპალიტეტის #2 სამუსიკო სკოლისთვის ფილიმინ ქორიძის სახელის მინიჭება. ფილიმონ ქორიძე გამოჩენილი ქართველი ლოტბარი, ფოლკლორისტი, პედაგოგი და კომპოზიტორი გახლდათ, რომელიც მართლმადიდებლური ეკლესიის მიერ წმინდანად არის შერაცხული. საკრებულოს წევრებმა ასევე განიხილეს სამტრედიის მასშტაბით ქუჩებისათვის სახელის შეცვლის წესის გამკაცრება, რადგან ქუჩის სახელის ცვლილება იწვევს მოქალაქეების რეგისტრაციასთან დაკავშირებით პროცედურების გართულებას. სახელის შეცვლისას აუცილებელია მოსახლეობასთან შეთანხმება.