დღეს მუნიციპალიტეტის საკრებულოს მორიგი სხდომა გაიმართა, რომელსაც თავმჯდომარე ნუგზარ ჯამბურია და მოადგილე კობა ძიძიგური უძღვებოდნენ.

   დღის წესრიგით წარმოდგენილ საკითხთა შორის იყო შიდა მუხლობრივი გადაადგილება დ. შანიძის სახელობის სახელოვნებო სკოლისა და მოსწავლე–ახალგაზრდობის სახლის განკარგულებებში.

   ზამთრის დადგომასთან ერთად საჭირო გახდა სამტრედიის მუნიციპალიტეტის ტერიტორიაზე მგლისა და ტურის რაოდენობის რეგულირების ღონისძიებების განხორციელება. ამიტომ, დღევანდელ სხდომაზე, დეპუტატებმა კენჭი უყარეს დელეგირებას ხელშეკრულების დამტკიცების შესახებ.

   შეიქმნება მონადირეთა ჯგუფი, რომელიც საჭიროების შემთხვევაში, კონკრეტულ ლოკაციაზე, განახორციელებს საჭირო ღონისძიებას.