დღეს მუნიციპალიტეტის მერმა ვალერი ფოცხვერიამ, ინფრასტრუქტურის სამსახურის უფროსთან, ზურაბ გოგიასთან ერთად ის ობიექტები დაათვალიერა, რომლებიც 29–30 ნოემბრის ძლიერი ქარის შედეგად დაზიანდა.

   სრულად გადაიხურა მე–3 ბაგა–ბაღის შენობა. სააღმზრდელო დაწესებულება, როპმელიც 62 აღსაზრდელს ემსახურება, სარემონტო სამუშაოების მიუხედავად, შეუფერხებლად მუშაობს. ბაგა–ბაღის მმართვერი მზია ვაშაკიძე მუნიციპალიტეტის მერს მადლობას უხდის გაწეული დახმარებისთვის და დროული რეაგირებისთვის.

   დღესვე მერმა დიდი ჯიხაიშის ნ. ნიკოლაძის სახელობის აგრარული კოლეჯიც მოინახულა, სადაც ძლიერმა ქარმა შენობის ძირითადი კორპუსის სახურავი ნაწილობრივ დააზიანა. სამუშაოები უკვე დასრულებულია და შენობის სახურავი შეკეთებულია. ზემოთ აღნიშნული სამუშაოები, მუნიციპალიტეტის დაკვეთით, შპს ,,გია და კომპანიამ“ შეასრულა.

   სრულად გადაიხურა ჯიხაიშში მცხოვრები მანანა ვაშაკიძის სახლიც, რომნელიც ასევე ძლიერმა ქარმა დააზიანა