ახალი წლის წინა ღამე სამტრედიელმა სანტებმა ნამდვილ ზეიმად აქციეს.

   საზეიმოდ მორთულ სამტრედიას კიდევ უფრო ალამაზებდა ახალი წლის მხიარულ მეკვლეთა ჟრიამული.

   ქალაქის მთავარ ნაძვის ხესთან შეკრებილ მედღესასწაულეებს ანიმაციური პერსონაჟები და თოვლის ბაბუა შეუერთდა.

   სადღესასწაულო განწყობა სამტრედიელებთან ერთად გაიზიარა მუნიციპალიტეტის მერმა ვალერი ფოცხვერიამ და ადგილობრივი ხელისუფლების სხვა წარმომადგენლებმა. ვალერი ფოცხვერიამ პატარა სანტების მსვლელობაში მიიღო მონაწილეობა და სამტრედიელებს ახალი წელი მიულოცა.

   პატარებს ,,საახალწლო სოფელში" თოვლის ბაბუამ საჩუქრები დაურიგა.