დღეს 30 წელი გავიდა 9 აპრილის ტრაგედიიდან. სამტრედიის მუნიციპალიტეტში კიდევ ერთხელ მიაგეს პატივი გარდაცვლილი გმირების ხსოვნას.

   სამტრედიის მუნიციპალიტეტის მერი ვალერიანე ფოცხვერია, მოადგილე დავით ბახტაძე, საკრებულოს თავმჯდომარე ნუგზარ ჯამბურია და ხელისუფლების სხვა წარმომადგენლები ტრადიციულად ეწვივნენ გმირთა მემორიალს და ყვავილებით პატივი მიაგეს მათ.

   სამტრედიის მერმა, საკრებულოს თავმჯდომარის მოადგილე კობა ძიძიგურმა და საკათედრო ტაძრის მშენებლობის ხელმძღვანელმა ჯონი ნადირაძემ ვრცლად ისაუბრეს ამ ტრაგიკულ დღეზე და მადლობა გადაუხადეს გარდაცვლილ გმირებს თავდადებისათვის.

   ღონისძიებაში ჩართული იყვნენ საჯარო სკოლის მოსწავლეებიც.