დღეს დასრულდა თამაზ გაბელაიასადმი მიძღვნილი მინი-ფეხბურთის ტურნირი სოფლებს შორის. ფინალურ მატჩს სამტრედიის მუნიციპალიტეტის მერი ვალერიანე ფოცხვერია, მერის მოადგილე დავით ბახტაძე , საკრებულოს თავმჯდომარე ნუგზარ ჯამბურია და ადგილობრივი ხელისუფლების სხვა წარმომადგენლები ესწრებოდნენ.

   ფინალური შეხვედრა სოფელ ღანირისა და ნაბაკევს შორის გაიმართა. მატჩი საკმაოდ დაძაბული აღმოჩნდა და სოფელ ნაბაკევის ფეხბურთელების გამარჯვებით 2:0 დასრულდა. ტურნირის საუკეთესო ფეხბურთელად ნაბაკევის შემტევი გიორგი ავალიანი დასახელდა. ადგილობრივი ხელისუფლების წარმომადგენლებმა გუნდებს სამახსოვრო პრიზები გადასცეს.