დღევანდელ მნიშვნელოვან თარიღს ტრადიციულად გამოეხმაურა სამტრედია. მუნიციპალიტეტის მერი ვალერი ფოცხვერია, მოადგილე დავით ბახტაძე, საკრებულოს თავმჯდომარე ნუგზარ ჯამბურია , თავმჯდომარის მოადგილე კობა ძიძიგური და ადგილობრივი ხელისუფლების წარმომადგენლები ტრადიციულად ეწვივნენ გმირთა მემორიალს და ყვავილებით შეამკეს.

   დღევანდელი მონაცემებით სამტრედიის მუნიციპალიტეტში 4 ვეტერანია. ანა თავაძეს, ალექსანდრა ჯულუხაძეს, გრიგოლ ჩაჩუას და რევაზ კანდელაკს ხელისუფლების წარმომადგენლები ოჯახში ესტუმრნენ და მათ ფულადი თანხის, 1600 ლარის გარდა 200 ლარიანი სასურსათო ამანათიც გადასცეს. აქედან ერთ -ერთ ოჯახს იმერეთის სახელმწიფო რწმუნებულის მოადგილე ზვიად შალამბერიძეც ესტუმრა და პირადად მიულოცა ფაშიზმზე გამარჯვების დღე.

   1000 ლარი ადგილობრივი მერიის საჩუქარი გახლდათ , ხოლო 600 ლარი კი ვეტერანებმა ცენტრალური ბიუჯეტისაგან მიიღეს. ‼️ადგილობრივი ხელისუფლების წარმომადგენლები დღეს ასევე იმყოფებოდნენ ბაშის ადმინისტრაციული ერთეულის კულტურის ცენტრში, სადაც კულტურულ ღონისძიებას დაესწრნენ

   მერმა ბაშში მოინახულა ,,შინმოუსვლელთა,, სახლ-მუზეუმი, რომლის რეკონსტრუქციაც დააანონსა.