დღეს სამტრედიის მუნიციპალიტეტის მერმა, ვალერიანე ფოცხვერიამ, მუნიციპალიტეტის მაჟორიტარ დეპუტატთან, გია მიქელაძესთან ერთად, ძველ სამტრედიაში რეაბილიტირებული ბორანი მოინახულა.

   ბორანი ერთადერთი წყლის ტრანსპორტია, რომლითაც გაღმა ზონის საყანე ფართობებთან ადგილობრივი მოსახლეობის დაკავშირება შეუძლია.

   მაჟორიტარმა დეპუტატმა შესრულებული სამუშაოები დადებითად შეაფასა. მან მერთან ერთად, თანამედროვე ბორანის მონახულების შემდეგ, ახალსოფლის ტერიტორიაზე გადაინაცვლა და მეორე ბორანიც მოინახულა, რომელიც რეკონსტრუქციას საჭიროებს.

   გია მიქელაძემ ბორანის თანამედროვე სტანდარტებით შეცვლა დაანონსა.