დღეს იმერეთის მხარის რწმუნებულმა ზვიად შალამბერიძემ, სამტრედიის მუნიციპალიტეტის მერის, ვალერი ფოცხვერიას და ადგილობრივი ხელისუფლების წარმომადგენლთა თანხლებით, ჯიხაიშში ამბულატორიის სარეაბილიტაციო სამუშაოები დაათვალიერა.

   მთავრობის დადგენილებით, ამბულატორიის რეაბილიტაციისთვის 31 000 ლარია გამოყოფილი. სარემონტო სამუშაოების შედეგად გამოიცვლება კარ-ფანჯრები, მოწესრიგდება სველი წერტილები და ელექტრო გაყვანილობა.

   აღსანიშნავია, რომ აღნიშნული ამბულატორია კვალიფიცირებული მედპერსონალითაა დაკომპლექტებული და იგი რამდენიმე სოფელს ემსახურება.

    სამუშაოებს ტენდერში გამარჯვებული კომპანია შპს ,,პირამიდა MM" ასრულებს.