დღეს სამტრედიის მუნიციპალიტეტის საკრებულოს მორიგი სხდომა გაიმართა, რომელსაც ტრადიციულად საკრებულოს თავმჯდომარე ნუგზარ ჯამბურია უძღვებოდა.

   საკრებულოს წევრებმა დღის წესრიგით გათვალისწინებულ საკითხებს კენჭი უყარეს.

   საკითხები ძირითადად სხვადასხვა საჯარო სამსახურების ხარჯების დამტკიცებას ეხებოდა.

   საფინანსო–საბიუჯეტო საკითხთა კომისიის თავმჯდომარის მოვალეობის შემსრულებელმა ვაჟა სტურუამ მოხსენება ,,სამტრედიის მუნიციპალიტეტის გამწვანების და კეთილმოწყობის გაერთიანებისა ,, და ასევე ,,სამტრედიის მუნიციპალიტეტის მოსწავლე–ახალგაზრდობის სახლის,, ხარჯის დამტკიცების შესახებ გააკეთა.

   უკანასკნელ საკითხთან დაკავშირებით კი მოხსენება ინფრასტუქტურის საკითხთა კომისიის თავმჯდომარემ მერაბ უღრელიძემ გააკეთა , რაც სოფლის მხარდაჭერის პროგრამით რამოდენიმე სოფელში ხიდებისა და ბოგირების მოწესრიგებას ეხებოდა.