დღეს სამტრედიის მუნიციპალიტეტში სტარტი აიღო ანზორ მაჩიტიძის ხსოვნისადმი მიძღვნილმა ტურნირმა ჭადრაკში.

   ტურნირში მონაწილეობას 100ზე მეტი მოყვარული და პროფესიონალი მოჭადრაკე იღებს.

   ტურნირი უკვე ტრადიციულ სახეს ატარებს და ის სამტრედიის მუნიციპალიტეტში უკვე მეხუთედ იმართება. ტურნირის გახსნას მუნიციპალიტეტის მერი ვალერიან ფოცხვერია, მოადგილე დავით ბახტაძე, კულტურის სამსახურის უფროსი ნატალია მანჯგალაძე, საკრებულოს თავმჯდომარის მოადგილე კობა ძიძიგური და ადგილობრივი ხელისუფლების სხვა წარმომადგენლები ესწრებოდნენ.

   როგორც აღვნიშნეთ, ტურნირმა სტარტი დღეს აიღო და ის 4 დღის განმავლობაში გასტანს.

   ტურნირის გამარჯვებულები სამტრედიის მერიისა და ჭადრაკის ფედერაციის ინიციატივით, ფულად ჯილდოს მიიღებენ.