დღეს სამტრედიის მუნიციპალიტეტის მერი ვალერი ფოცხვერია ინფრასტრუქტურის სამსახურის უფროს ზურაბ გოგიასთან ერთად გაღმა ზონის სოფლებში მიმდინარე ინფრასტრუქტურული სამუშაოების მიმდინარეობის პროცესს პირადად დაესწრო.

   სოფელ გამოჩინებულიდან ზანდოს მიმართულებით ბეტონის გზის საფარი იგება.

   სამუშაოები როგორც ადგილობრივი ბიუჯეტიდან , ასევე რეგიონალური განვითარების ფონდიდან ფინანსდება და მას ტენდერში გამარჯვებული კომპანია ,,ინდეფენდენთ ბიზნეს გრუპი,, ასრულებს.

   გამოჩინებულის , გორმაღლის ,ტოლების , საჯავახოსა და დაბლა გომის თემში სტიქიის შედეგად დაზიანებული ხიდ-ბოგირებისა და სანიაღვრე არხების რეაბილიტაციის პროცესი უკვე დასკვნით ფაზაშია შესული.

   აღნიშნული სამუშაოების განხორციელებისათვის ადგილობრივი ბიუჯეტიდან 160 000 ლარი გამოიყო.

   მუნიციპალიტეტის მერმა შესასრულებელი სამუშაოების ვადებსა და ხარისხზე გაამახვილა ყურადღება და სამუშაოების მიმდინარეობის პროცესში მცირე კორექტირება შეიტანა.