დღეს, მოსწავლე-ახალგაზრდობის სახლთან არსებულმა მოსწავლეთა პარლამენტმა, გალაკტიონის ცხოვრებისეულ ლაბირინთებსა და პოეზიაში კიდევ ერთხელ გვამოგზაურა.

   მეფე-პოეტის პოეზია, რომლის საწყისი და სასრული ძნელია ვინმემ იპოვოს, დღეს მუნიციპალიტეტის სხვადასხვა სკოლის მოსწავლეებმა შესანიშნავად წარმოადგინეს. ქალაქში, რომელსაც თავად გალა თვლიდა თავისი შემოქმედების ერთ-ერთ მუზად, ისევ ესათუთებიან მის სტრიქონებს და დაუსრულებლად საუბრობენ მათზე.

   ღონისძიებას მუნიციპალიტეტის საკრებულოს თავმჯდომარის მოადგილე, კობა ძიძიგური, ადგილობრივი ხელისუფლების წარმომადგენლები და გალაკტიონის პოეზიის მოყვარული საზოგადოება ესწრებოდა. მათ მადლობა გადაუხადეს ღონისძიების ორგანიზატორებს და მოსწავლეებს მიწვევისთვის და საინტერესო საღამოსთვის.